- Bihar Soch (Patna): Bihar sarkar ne rajya ke kisanon ke liye ek bahut badi khushkhabri di hai. Bihar Krishi Vibhag ki taraf se Krishi Input Anudan Yojana 2026 ke liye online aavedan shuru kar diye gaye hai. Is yojana ke tahat, jin kisanon ki fasal baadh, sukha ya asamayik barish ki wajah se nuksan hui hai, unhe sarkar ki taraf se arthik sahayata di jayegi.
Aaj ke is article me hum aapko batayenge ki is yojana ka labh kaun le sakta hai aur aap ghar baithe online aavedan kaise kar sakte hai,
Bihar Krishi Input Anudan 2026 Overview
Yojana ka Naam. Bihar Krishi Input Anudan Yojana
Vibhag Krishi Vibhag, Bihar Sarkar
Labharthi. Bihar ke panjikrit kisan
Sahayata Rashi. Fasal nuksan ke aadhar par
Aavedan ka Tarika. Online (DBT Agriculture Portal)
Official Website. dbtagriculture.bihar.gov.in
Yojana ke Labh aur Sahayata Rashi
Is yojana ke tahat alag-alag sthitiyon me kisanon ko niche di gayi rashi di jati hai:
Varsha Ashrit (Asinchit) Fasal: ₹6,800 prati hectare.
Sinchit Fasal: ₹13,500 prati hectare.
Shashwat Fasal (Ganna, Phal adi): ₹18,000 prati hectare.
(Note: Ek kisan ko adhiktam 2 hectare ke liye hi anudan diya jata hai).
Zaroori Dastavez (Documents Required)
- Kisan Panjikaran Sankhya (13 Digits Registration Number)
- Aadhaar Card (Mobile number se link hona chahiye)
- Zameen ki Rasid / LPC / Vanshavali
- Bank Passbook (Jo Aadhaar se link ho)
- Khet ki jankari (Khesra number, Thana number)
Kaun-Kaun se Kisan Aavedan Kar Sakte Hai,
Bihar sarkar ne is baar do tarah ke kisanon ko labh dene ka faisla kiya hai,
- Raiyat Kisan (Zameen ke Maalik): Wo kisan jinke paas apni zameen hai aur LPC ya rasid unke naam par hai.
- Gair-Raiyat Kisan (Bataiydar): Wo kisan jo dusron ki zameen par kheti karte hain. Inhe aavedan karte waqt "Swa-Ghoshna Patra" (Self Declaration) dena hoga.
Paisa Milne ki Shartein (Important Rules)
- Area Limit: Ek kisan ko kam se kam ₹1,000 milenge hi milenge (bhale hi nuksan chota ho). Adhiktam labh 2 hectare tak ki zameen par hi milega.
- Bank Khata: Aapka bank khata Aadhaar Seeding (NPCI) hona zaroori hai. Agar Aadhaar link nahi hai, toh paisa "Reject" ho jayega.
- Sahi Jankari: Agar kheti ki zameen ki detail galat bhari gayi, toh krishi samanvayak (Co-ordinator) aapka aavedan cancel kar sakta hai.
Aavedan ke Baad Paisa Kab Tak Aayega?
Aavedan karne ke baad ye 3 stage se guzarta hai,
- Krishi Samanvayak (AC): Ye aapke khet ki physical janch karenge.
- Block Agriculture Officer (BAO): Ye block level par verify karenge.
- District Level: Yahan se approval milte hi paisa seedhe aapke Aadhaar linked bank khate mein bhej diya jayega.
- Samanyata aavedan ki aakhri tithi ke 30 se 45 dinon ke andar paisa aa jata hai.
Check Kaise Kare Ki Paisa Aaya Ya Nahi? (Status Check)
Agar aapne pehle aavedan kiya hai, toh status dekhne ke liye,
- DBT Agriculture portal par jayein.
- Aavedan ki Sthiti (Application Status) par click karein.
- "Input Subsidy Status" chunein aur apna Application Number daalein.
- Kya ek hi parivar ke do log aavedan kar sakte hain?
- Agar LPC purani hai toh kya chalegi
कोई टिप्पणी नहीं:
एक टिप्पणी भेजें